[Grazas http://www.blogincendiario.com/, estupendo blog para deleitarse coas imaxes e comentarios de Fernando Rueda sobre libros e a súa lectura].
• YOURCENAR, Marguerite: Opus nigrum. Esta novela explica a incesante busca de sabedoría por parte dun médico alquimista do século XVI, Zenón, que se envolto en guerra e persecucións fanáticas mentres intenta resolver o enigma filosófico de qué é o ser humano. Esa sería a verdaeira “pedra filosofal”, a meta máxima da alquimia e a ciencia da época. Finalmente, condicionado polas estreitas perspectivas da súa época, Zenón só encontra como saída o suicidio e deixa inconclusa a gran obra alquímica: a plena realización do ser humano.
• SARTRE, Jean-Paul: A puerta cerrada (xunto La puta respetuosa y Las manos sucias). Teatro. Tres personaxes dispóñense a pasar a eternidade no inferno: un desertor fusilado que maltrataba a súa muller, un infanticida, e unha muller que causou a desgracia a todos os que a rodearon. As tres personaxes daranse conta paulatinamente de que o seu castigo consiste en verse os uns aos outros tal como son e en soportar eternamente esa repulsiva compañía. Estes personaxes crearon o seu propio inferno facendo un absurdo das súas vidas e o seu único e horrible castigo consiste en vivilas.
• CAMUS, Albert: La peste. Referente da literatura e filosofía existencialistas. Narra o trunfo da solidariedade humana a pesar da existencia do mal (enfermidade, desgraza, maldade,...). A acción desenvólvese en Orán, cidade alxeriana, devastada pola peste, e amosa que pese a algunhas realidades descorazonadoras, no ser humano “hai máis cousas dignas de admiración que de desprezo”.
• KERR, Philip: Una investigación filosófica. Nesta novela “futurista”, ambientada en 2013, aprovéitase a misteriosa personalidade do filósofo vienés Ludwig Wittgenstein para urdir unha trama policíaca do máis inquietante, na que unha inspectora londinense trata de resolver os crimes cometidos por un ficticio e psicópata Wittgenstein.
