Defensa da Filosofía en 50 segundos

Día Mundial da Filosofía 2015: A pluralidade de linguas e lugares da filosofía.

Como declara Irina Bokova, Directora Xeral da UNESCO, «na celebración do Día Mundial da Filosofía subxace a convicción de que a filosofía pode aportar unha contribución fundamental ao benestar humano, á análise da complexidade e ao fomento da paz.»
 

O Día Mundial da Filosofía estableceuse para destacar a importancia desta disciplina, especialmente de cara á xente nova, e tamén para subliñar que «a filosofía é unha disciplina que estimula o pensamento crítico e independente e é capaz de traballar en aras dun mellor entendemento do mundo, promovendo a paz e a tolerancia.»

Aínda que o Día Mundial vén celebrándose desde o 2002, a Conferencia Xeral da Organización das Nacións Unidas para a Educación, a Ciencia e a Cultura (UNESCO) declarou oficialmente a súa observación en 2005.

A UNESCO lidera este Día, pero destaca que non é a súa propietaria. Pertence a calquera a quen lle interese o pensamento.

Por ese motivo, o Día Mundial da Filosofía debe supoñer un exercicio de pensamento libre, razoado e informado sobre os maiores desafíos do noso tempo.

Por primeira vez, todas as actividades na celebración do Día Mundial da Filosofía deste ano enfatizan o uso das novas tecnoloxías da comunicación para chegar a audiencias en todo o mundo.
Para saber máis sobre este Día,  http://www.un.org/es/events/philosophyday/